ەلباسى «بەس الەۋمەتتىك باستاماسىندا» تۇرعىنداردىڭ تۇرمىسىن تۇزەۋگە ناقتى مىندەتتەر جۇكتەدى. سونداي-اق ءاربىر جولداۋىندا دا قارا حالىقتىڭ قامىن نازاردان تىس قالدىرعان ەمەس. اسىرەسە ەلدى مەكەندەردىڭ ەڭسەسىن تىكتەۋ باعىتىندا باياندى باستامالارعا جان ۇرلەدى. وسى ورايدا الەۋمەتتىك باعدارلامالار جامبىلدا الەۋمەتتىڭ الەۋەتىن ارتتىرۋدا دەپ جازادى Qamshy.kz اقپارات اگەنتتىگى. 

جامبىل وبلىسى سارىسۋ اۋدانىندا 2019 جىلدىڭ قاڭتار-شىلدە ايلارىندا 15،2 مىڭ تۇرعىنعا 747،0 ميلليون تەڭگەگە الەۋمەتتىك قولداۋ كورسەتىلدى.

ەڭ الدىمەن الەۋمەتتىك باعدارلامالار بويىنشا توقتالساق، جاڭا فورماتتاعى اتاۋلى الەۋمەتتىك كومەككە 2 722 از قامتىلعان وتباسىنداعى 13 038 ادامعا 661،4 ملن. تەڭگە بەرىلدى. تۇرعىن ءۇي جاردەماقىسىنا 356 وتباسىنىڭ 1 261 ادامىنا 6،0 ملن. تەڭگە تولەندى. اۋىلدىق ەلدى مەكەندەردە تۇرىپ جۇمىس ىستەيتىن دەنساۋلىق ساقتاۋ، الەۋمەتتىك قامسىزداندىرۋ، ءبىلىم، مادەنيەت، سپورت جانە ۆەتەريناريا سالالارىنىڭ ماماندارىنا وتىن ساتىپ الۋعا 10،8 ملن.تەڭگە قارالدى. جەرگىلىكتى ۋاكىلەتتى ورگانداردىڭ شەشىمى بويىنشا مۇقتاج ازاماتتاردىڭ جەكەلەگەن توپتارىنداعى 277 ادامعا – 16،6 ملن.تەڭگە جۇمسالدى.

ارداگەرلەر مەن مۇمكىندىگى شەكتەۋلى ازاماتتارعا كورسەتىلەتىن الەۋمەتتىك كومەككە كەلسەك، ۇيدە وقيتىن 70 وتباسىنداعى 73 مۇگەدەك بالالاردى ماتەريالدىق قامسىزداندىرۋعا 2،0 ملن. تەڭگە بەلگىلەنگەن.

ۇيدە ارناۋلى قىزمەت كورسەتۋ جاعدايىندا 49 بالاعا (ونىڭ ىشىندە 18 جاستان اسقان 27 مۇگەدەككە)، جالعىز باستى 105 قارت (ونىڭ ىشىندە 2 مۇگەدەككە)، بارلىعى 154 ادامعا 12 كۇتىم جونىندەگى قىزمەتكەر قىزمەت كورسەتۋدە، وعان قارالعان 30،8 ملن. تەڭگەنىڭ 16،9 ملن. تەڭگەسى يگەرىلدى. سونىمەن قاتار ۇكىمەتتىك ەمەس ۇيىم «شاپاعات» مۇگەدەكتەر قوعامدىق بىرلەستىگى تاراپىنان 33 ادامعا (ونىڭ ىشىندە 18 جاستان اسقان 15 مۇگەدەك) ۇەۇ-نىڭ 6 كۇتىم جونىندەگى قىزمەتكەرى ۇيدە ارناۋلى الەۋمەتتىك قىزمەت كورسەتۋدە. قارالعان 6،6 ملن. تەڭگە قارجىنىڭ 3،7 ملن. تەڭگەسى يگەرىلدى. (بارلىق قارالعان قارجى 37،4 ملن. تەڭگە، يگەرىلگەنى 20،6 ملن.تەڭگە، الەۋمەتتىك قىزمەتتەرمەن قامتىلعانى – 187 ادام).

قوزعالۋعا قيىندىعى ءى-شى ءبىرىنشى توپتاعى 97 مۇگەدەككە «سارىسۋ-نۇر-شاپاعات» كورپوراتيۆتىك قورى ارقىلى جەكە كومەكشىلەر قىزمەتتەرى كورسەتىلىپ، 11،2 ملن. تەڭگە تولەندى.

ەستۋ قابىلەتى تومەن 5 مۇمكىندىگى شەكتەۋلى ازاماتقا الەۋمەتتىك قىزمەت كورسەتكەن ىمداۋ ءتىلى مامانىنا - 575،0 مىڭ تەڭگە تەتىگىن تاپتى.

164 ادام مىندەتتى گيگيەنالىق قۇرالدارمەن قامتاماسىز ەتىلىپ، 18،7 ملن. تەڭگە يگەرىلدى. 79 ادام قوسىمشا كومپەنساتورلىق قۇرالدارمەن قامتاماسىز ەتىلىپ، 4،0 ملن. تەڭگە جوسپارلى جۇمسالدى.

مۇگەدەكتەرگە «شاپاعات» كورپوراتيۆتىك قورىمەن ينۆاتاكسي قىزمەتىن كورسەتۋگە – 11،7 ملن. تەڭگە قارالىپ، ەسەپتى مەرزىمدە 5،9 ملن. تەڭگەسى ماقساتتى بەرىلىپ وتىر.

وسىلايشا سارىسۋلىقتار الەۋمەتتىك كومەككە ءزارۋ جاندارعا بارىنشا كومەك كورسەتۋدە. بۇل باس بارماقپەن باعالاۋعا تۇرارلىق.